Kako naučiti psa da ne laje na strance?

Porijeklo dobro poznatog stereotipa poštara koji bježe od pasa krije se u činjenici da ljubimce njihovi vlasnici nisu podučili tome da ne smiju da napadaju strance.

Objavljeno: 09. 02. 2016 - 11:33 Promjenite veličinu teksta: A A A
Kako nauciti psa da ne laje na strance?

Sam trening nije naročito zahtijevan, ali najviše zavisi od psa i toga kako se njegov vlasnik odnosi prema njemu.

Pseći lavež je vrsta komunikacije. Ako pas osjeća strah, može se desiti da laje na strance. Ako je ljubimac jednostavno frustriran što ne može temeljno da prouči osobu koja je na vratima, i to može da bude razlog zašto laje.

Kad vaš pas počne da laje na stranca, nemojte vikati na njega jer će misliti da i vi ‘lajete’. Kažnjavanje psa zbog lajanja prouzrokovaće ne samo stres, već i agresiju.

Svaki put kad neko nepoznat dođe na vaša vrata, smireno povedite svog psa do vrata i nagradite ga ako posluša naredbu da sjedne. Važno je da vaš ljubimac počne da asocira poslastice s dolaskom nepoznatih osoba. Nagrađivanje dobrog ponašanja bilo koje vrste podstiče ljubimca da se i u budućnosti ponaša tako.

Pokušajte da naučite svog psa da osobe u uniformi nisu razlog za strah. Možete se maskirati i tako malim nagradama navići psa da bude opušten u blizini nepoznatih ljudi.

Dopustite svom psu da onjuši strance na vratima. Ako vas je na početku strah za sigurnost osobe na vratima, stavite psu korpu.

Ne morate da naučite psa da sa lajanja pređe na potpunu tišinu, već da, kad neko pozvoni, mora da ode na određeno mjesto. Vremenom pomoću istih metoda možete naučiti psa da bude tih i na mjestu na kojem to želite.

Izvor i foto: tportal

Komentari: 0

Novi komentar