Predstavljanje knjige Faiza Softića u KIC-u

Knjiga „Dok vode teku“ autora Faiza Softića biće večeras promovisana u Multimedijalnoj sali KIC-a „Budo Tomović“ od 19 sati.
Objavljeno: 10. 03. 2017 - 15:51 Promjenite veličinu teksta: A A A
Predstavljanje knjige Faiza Softica u KIC-u

O knjizi će govoriti: recenzent mr Ksenija Rakočević, književna kritičarka Jovanka Vukanović, urednik programa Centra za kulturu Bihor Mirsad Rastoder i autor. Odabrane stihove Softića kazivaće studenti i gimnazijalci: Behmen Šahmanović, Hana Rastoder, Vasilije Rakočević, Lejla Kašić i Dino Račić.

Faiz Softić rođen je 1958. godine u Bijelom Polju. Školovao se u rodnom kraju, Mostaru i Sarajevu. Godine 1955. odlazi za Luksemburg, gdje nastavlja sa književnim radom. Tu je napisao roman „Pod Kun planinom“, zasnovan na autentičnom događaju iz svog zavičaja, a koji je doživio više izdanja, filmski scenario i prevod na francuski jezik. Piše za razne listove i časopise, a njegova ostvarenja su prevođena i nagrađivana. Zastupljen je u školskom programu Bosne i Hercegovine, Kosova i Sandžaka. Glavni je i odgovorni urednik revije „Bihor“ koja u Luksemburgu izlazi na bosanskom i francuskom jeziku.

Promociju organizuju Centar za kulturu Bihor i KIC-a „Budo Tomović“.

K.J.

Komentari: 0

Novi komentar