Zlatna pravila za kuvanje tjestenine

Tjestenina je uvijek jednostavno rješenje za brze obroke. Pridružite li joj neki kompleksniji umak, može biti i vrhunsko predjelo, čak i za svečanije jelo. Ali, i najbolji sos na svijetu pada u vodu ako ga pomiješate s loše skuvanom tjesteninom. A kako biste to izbjegli, dovoljno je da slijedite nekoliko savjeta.

Objavljeno: 30. 04. 2017 - 20:58 Promjenite veličinu teksta: A A A
Zlatna pravila za kuvanje tjestenine

Vrsta tjestenine: Nije baš sva tjestenina jednaka. Probajte tjestenine nekoliko prizvođača i pronađite onu koja vam najviše odgovara.

Veliki lonac: Tjestenina je razigrana - treba joj mjesta za slobodno kretanje. Jedna od najvećih grešaka koje možete da napravite jeste da stavite tjesteninu u premali lonac. Za pola kilograma tjestenine najbolje je uzeti lonac od barem osam litara. Poklopac vam neće trebati. Tjestenina se kuva otklopljena.

Voda: Sa svih strana vas bombarduju o značaju vode... E, pa niste se ni u slučaju tjestenine izvukli. Tjestenina mora da se kuva u velikoj količini vode kako se ne bi zalijepila. Za pola kilograma tjestenine treba vam oko sedam litara vode. Mislite da je to pretjerano? Pitajte Italijane.

So: U svu tu vodu, treba dodati i dosta soli. Tjestenina je sama po sebi neslana, a najbolji način da je ravnomjerno posolite jeste da so dodate u vodu. Na pomenutih sedam litara vode, dodaje se jedna kašika morske soli.

Kipuća voda: Prije nego što dodate tjesteninu u vodu, morate pustiti da provre i to zaista jako. Mjehurići ne smiju da se slegnu ako vodu promiješate. Nakon što dodate tjesteninu, promiješajte je kako se ne bi zalijepila i pojačajte vatru, tako da voda što prije opet provre.

Miješanje: Povremeno promiješajte tjesteninu. Tri do četiri puta u desetak minuta biće sasvim dovoljno.

Ulje: Sasvim je nepotrebno! Budete li se pridržavali gore navedenih uputstava, tjestenina se neće lijepiti, a dodatak ulja samo će je učiniti masnijom, pa se sos poslije neće dobro uhvatiti za tjesteninu.

Raskuvavanje: Još nešto na što treba paziti. Pridržavajte se uputstava na pakovanju i pazite da tjesteninu ne kuvate predugo. To vjerovatno već znate, ali tjestenina treba da bude al dente, a najlajkše ćete to znati ako je probate.

Ispiranje: Tjesteninu nije potrebno ispirati. Voda u kojoj se tjestenina kuvala sadrži skrob i doprinosi ukusu. Tjesteninu samo procijedite i pomiješajte sa sosom.

Izvor i foto: Jutarnji list/Dobra hrana

Komentari: 0

Novi komentar