Ustavni patriotizam

Autor:

Ustavni patriotizam

U prethodnoj kolumni sam dao prijedlog o ukidanju nacionalističkih stranaka, ostalo mi je još da uklonim „ustavni patriotizam“ pa da rasterećen krenem u blage dane od sada pa do Svetoga Jovana. 
Objavljeno: 17. 12. 2017 - 07:58 Promjenite veličinu teksta: A A A

Piše: Milorad Pustahija

Pošto kao građanin ne mogu nikako zaustaviti snažne nalete volje nacionalističkih i kleptomansko-korupcionaško-demagoških oligarhija na državnom i na lokalnom planu, odlučio sam da u bar u svojoj kolumni uvedem red i poredak po svome. Ne mogu više da gledam ovaj haos i razmetljivost manjina i lihvarstvo stranke DPS koji dresiraju i ucjenjuju nas nesretne Crnogorce glumeći našu avangardu, zaštitnika i promotera naših interesa. A tek kad vidim seljačiće i provincijske prigradske momke kako predvode „građanske“ stranke - ispalim na ganglije.

U posljednje vrijeme nervira me tiho i usputno, by the way- kako mi rečemo, nametanje cool-ideologije „ustavnog patriotizma“.

Da fenomenološki raščistimo stvari. Patriotizam je osjećaj ljubavi, pripadanja i odgovornosti prema svom narodu ili svojoj domovini. Ovdje treba suptilno razlikovati pojmove patrija-domovina i civitas-država iako ih se često doživljava kao sinonime. Ustav ili konstitucija, najjednostavnije rečeno, je društveni ugovor, on se ne voli, nego - poštuje. Čak ima i odredbe o kažnjavanju ustavnih volilaca ili ustavnih patriota ako prekrše koju od njegovih normi. Dakle, „ustavni patriotizam“ je oksimoron.

Ideja je nastala u Zapadnoj Njemačkoj pod teretom nacionalnog stida za monstruozne zločine u Drugom svjetskom ratu, kao i za strašni nacionalizam i rasizam. I poslijeratna podijeljenost države između saveznika je dodatno prizivala ružne reminiscencije koje su izazivale imenice Njemac i Njemačka. Ovu ideju je najozbiljnije razradio i promovisao Jirgen Habermas, ali nikada nije zaživjela. Čim su se ujedinili, automatski su je zaboravili, a vjerovatno su zaboravili i onaj stid jer su im u porastu stranke fašističkog određenja.

Možda će ovu ideju pod moranje prodavati nama, sitnoj evropskoj boraniji kada bude trebalo prihvatati ustav federalne Evrope oktroisan od Njemačke sa ili bez Francuske. Do tada ovaj domaći Balkanische ustavni patriotizam doživljavam kao uklanjanje „sramnog i hegemonističkog“ crnogorskog identiteta ove države i totalni raspašoj manjinskih nacionalnih i vjerskih romantizama.

Na primjer nećemo smjeti pominjati Lovćen već ćemo pjevati: ,,Član tri nam je oltar sveti/u njega smo svi zakleti“. A za reprezentaciju ćemo navijati snažnim poklicima „Ustavna, Ustavna“!

U našem regionu ustavni patriotizam je prvi zagovarao Alija Izetbegović. Bosanski ustavni patriotizam? Prije toga su svi popišali mnogo ljepši Ustav Jugoslavije. Stvar nije uspjela zato što se nisu uspjeli dogovoriti gdje da smjeste Alijine proklamacije iz njegove „Islamske deklaracije“, da li u preambulu i ili u članovima od 1-5. A radilo se samo o nespojivosti islama i neislamskih sistema; o tome da nema mira i koegzistencije između islamske vjere i neislamskih društvenih i političkih institucija. Moš misliti! Lijepo me čudi kako bosanski Srbi i Hrvati nisu prihvatili ovakvu ustavnu ljubav. Tamošnjim Hrvatima su u uhu samo banovinske ustavne arije, a bosanski Srbi bi mogli osjećati patriotizam samo uz odredbe „Vidovdanskog Ustava“ kralja Aleksandra i uz tiho šumorenje posrbljenog našeg mora.

Meni su najveselije ustavne patriote Albanci. Ma to je „Roka mandoljina“, čisti merak. Njihove nacionalne stranke su predizbornu platformu za lokalne izbore u Tuzima dogovorile u Albaniji i nisu u tome vidjeli ništa čudno i još su se time hvalili. Na prigovore stranaka i javnosti iz Crne Gore zbog miješanja Albanije u crnogorska izborna posla dali su nenadmašan odgovor: „Nije to nikakvo miješanje Albanije u crnogorske izbore nego to Albanija ispunjava svoju Ustavom obavezujuću brigu o Albancima van Albanije“.

Mislim da bi neko trebalo da im objasni da Ustav Albanije ne važi na našoj teritoriji, i to što prije, jer ako na ovakve stvari naviknu o jadu ćemo se zabaviti odvikavajući ih. Zato držimo se svoga građanskog uređenja i jednakosti u Crnoj Gori i volimo svoju zajedničku Crnu Goru. A Ustav i zakone poštujmo i nemojmo previše mudrovati.

 

Komentari: 11

Komšija

17. 12. 2017 - 09:17

Nešto mi se čini da je u uredjenim državama jasno ko treba da štiti Ustav, naravno, ne samo kada njemu i njegovoj partiji odgovara, odnosno kada trebaju ta dva, tri glasa pa se spuste kriterijumi do koljena. U tom smislu mislim da je dosta više tekstovas tipa "kćerku kara snaji prigovara".
KARA RADUSIN

17. 12. 2017 - 12:56

Komšija;Upravo to je i cilj ove analize-inače ne bi osvanula jutros na portalu.
Boban Bg

17. 12. 2017 - 15:08

Vi stalno jedno te isto kao vodenični mlin. Malo se fulali suštinu pa se dovatili tanjeg kraja. Kako vam ne zapara oči (pošto je tekst) da neko ko se krsti CRNOGORSKA zagovara USTAVNI PATRIOTIZAM? Bar neka promjene ime u USTAVNA!
Svaka cast g.Pustahija

17. 12. 2017 - 09:30

Moramo se boriti protiv tame na Balkanu svim silama iako je ova bitka koja me neodoljivo podsjeca na Termopile. Ali nema veze, nadam se da ce neke kasnije generacije uspjeti da poroze TAMU i ZLO kao sto su GRCI porazili cara careva svemocnog Kserksesa i njegovu ogromnu vojsku!! Mozda ovo sto sam napisao zvuci previse pateticno, ali ja vam kazem da nije, jer je ova bitka bas toliko vazna za buducnost citavog Balkana i sto je najvaznije Crne Gore.
Sovereign

30. 12. 2017 - 07:46

Нисте ви дорасли низбрдо да трчите као што сте 1916 низ Ловћен. Да вам неко "бачи" пар стотина евра, можда би почели да тренирате. Што се тиче оног дијела о пропасти, ту се слажем. Спаса вам нема.
liberal bio i ostao

17. 12. 2017 - 09:50

Svaka čast Pustihaija! Samo je trebalo da u ovaj kontekst ubaciš i naše turbo Crnogorce od kojih ovdje mi normalni Crnogorci ne možemo da dišemo. Istina, neki su od tih Crnogoraca bili u Liberalnom savezu od njegovog osnivanja, ali mnogo ih je više koji su se tada kleli u Miloševića i nas proganjali! ali, to je Crna Gora.
danilo s.

17. 12. 2017 - 11:43

Jugoslavija je izgorjela jer su je nacionalizmi i local-patriotizmi – zapalile. I CG ceka ista sudbina ako se ne izbori protiv nadirucih talasa nacionalizma, klero-fasizma i rasizma. g. Pustahija dobro karakterise “Ustavni patriotizam” kao svojevrsni oksimoron. Doista, kako se moze osjecati ljubav (patriotizam jeste ljubav - prema svojoj domovini) prema jednom pravnim aktu (Ustavu). Osim, ako se od Ustava ne napravi nacionalni mit – kao u USA. No, iza tih protivurjecnosti, stoji jedna, mozda i plemenita, ideja da se pomire nacionalizmi. Nazalost ona ne pije vodu, jer vatrena strast nacionalizama ne moze se pobijediti racionalnim promisljanjem. Posebno ne na Balkanu. Niti ih moze ukrotiti mlaka i beskrvna “demokratija” nasih “gradjanskih” partija. Mozda je rjesenje - ne u tome da se Ustav “voli” – vec da se Ustav brani! Po svaku cijenu.
Dumelja

17. 12. 2017 - 16:23

Bravo gos.Pustahija sve Vase komentere i kolmune sa velikim zadovoljstvom citam i sortiram i nikako da stavim neku od njih na prvo mjesto jer je to prosto nemoguce jer Vam svaka zasluzuje najbolju ocjenu.Tako pametno duhuvito neuvredljivo ovo umorno Crnogorsko drustvo zabavljate izuzetno pozitivno jer se narod u CGi umorio od Becicevskih primitivnih komenta ra njihovih nastupa sa drvenim palicama i crvenim kravatama a i ostala tz.gradjanska opozicija taman je kao i ovi Becicevi.Zato ste u potpunom pravu manjine su puno pomogle da CGa obnovi svoju nezavisnost ali je kranje vrijeme da toj pohleposti dogje i kraj jer je to pogubno za jedno zdravo gradjansko drustvo kome stremi CG.Vama gos.Pustahija puno hvala za Vase osvezavajuce i lijepe kolmune i komentare.
LIBERTARIJANAC

22. 12. 2017 - 12:04

Ovo sto prenosi svoje stavove ovaj PUSTAHIJA,,,,,,Do tada ovaj domaći Balkanische ustavni patriotizam doživljavam kao uklanjanje „sramnog i hegemonističkog“ crnogorskog identiteta ove države i totalni raspašoj manjinskih nacionalnih i vjerskih romantizama. Na primjer nećemo smjeti pominjati Lovćen već ćemo pjevati: ,,Član tri nam je oltar sveti/u njega smo svi zakleti“. A za reprezentaciju ćemo navijati snažnim poklicima „Ustavna, Ustavna“!,,,,,,, Ja mislim da je upravo suprotno i da Lovcen sa" USTAVNIM PATRIOTIZMOM" kojega promovise Dr, Pavicevic a od gologa straha ovaj Pustahija ni ime njegovo ne smije pomenuti zbog replike hehe //
Abu khabir muavija

23. 12. 2017 - 10:17

Ima dvoje-troje likova među komentatorima na Analitici koji počinju ili završavaju komentare sa hehehe.Čovjek bi na prvu rekao blago nama evo dobrodušnih duhovitih i šalašljivih ljudi među nama,ali kada nakon hehehe ili prije njega imamo kompleksašku zajedljivost i zloću i tugaljivo loš pokušaj humora onda je to nešto sasvim drugo.Možda bi za takve trebalo otvoriti psihokorner i pustiti ih da se međusobno zabavljaju.
NK

31. 12. 2017 - 09:07

Nema mu što Pavićević odgovorit, slobodnjače
Novi komentar