Na Igrama u Pjongčangu

Stoh treći put olimpijski šampion

Kamil Stoh, poljski ski skakač odbranio je titulu olimpijskog šampiona na velikoj skakaonici na Igrama u Pjongčangu i tako došao do trećeg zlata.
Objavljeno: 17. 02. 2018 - 17:14 Promjenite veličinu teksta: A A A

Poslije četvrtog mjesta na maloj skakaonici, Stoh je zasijao nedjelju dana kasnije ukupnim skorom od 285,7 bodova, zahvaljujući skokovima od 135 i 136,5 metara.

Srebro je pripalo zlatnom sa male skakaonice Andreasu Velingeru iz Njemačke, dok se bronzom ponovo okitio Norvežanin Robert Johanson.

Stoh je poslije prve serije bio vodeći, ispred Austrijanca Mihaela Hajbeka i Velingera, dok je Johanson bio četvrti. U finalnoj seriji zablistao je Danijel Andre Tande iz Norveške, koji je poslije 15. mjesta u prvoj skočio 138,5 metara i dugo se držao na čelu. 

Tande je na kraju morao da se zadovolji četvrtim mjestom, sa dva boda manje od Johansona, a slijedio ga je još jedan sunarodnik Johan Andre Forfang.

 

Komentari: 0

Novi komentar