Za deset mjeseci osvojila tri vrha

FOTO: Baranka osvojila Kilimandžaro

Baranka Karolina Ilić je  osvojila najviši afrički vrh Kilimandžaro, iako je prije samo mjesec dana osvojila najviši vrh Južne Amerike, Akonkagvu u Argentini. Ilić je  prva žena u Crnoj Gori kojoj je tako nešto pošlo za rukom.
Objavljeno: 11. 04. 2018 - 11:27 Promjenite veličinu teksta: A A A

"Uspon je trajao ukupno pet dana, bez aklimatizacije, bili smo  neispavani, išli smo kroz snijeg, ali srećom vrijeme je bilo dobro u glavnom dijelu uspona. Uspjela sam! Išla sam sa jednim vodičem iz Tanzanije, Arushom. Zahvalna sam mu sto me je upoznao sa njegovom zemljom, i što smo došli zajedno do vrha.  Glavni dio uspona je trajao oko devet sati, zbog uslova i drugih faktora", priča Karolina za Portal Analitika.

30629207-10214813692751178-5881586944593153935-n

I pored iscrpljenosti i umora, hrabra Baranka je uspjela da osvoji ovu planinu visoku 5895 metara. A sam pogled sa vrha je, kaže, bio veličanstven.

"Mogla sam vidjeti sve, predivno je bilo, sunce, jasan pogled na Afriku i glečere koji ce nažalost možda  nestati za nekoliko godina zbog globalnog zagrijavanja. Afrika mi se mnogo dopala, ljudi i priroda, jedva čekam ponovo da posjetim taj divan kontinent, da mogu to bih već ove godine. Kilimandžaro nije moj najveći uspjeh, ali jeste krunisanje trenutno mog truda i ljubavi prema planini. Za manje od deset mjeseci sam popela na vrhove tri kontinenta, vrh Evrope Elbrus 5642m, vrh obje Amerike Akonkagva 6962m, i sad samo mjesec dana poslije Amerike vrh Afrike Kilimandžaro 5895m", objašnjava Karolina.

30530743-10214792030969647-1010859049524303893-n

Ova osvajanja je neće zaustaviti.

"Ovo je dokaz da ljubav, pozitivnost, energija, jaka želja ruše granice nemogućeg i stvaraju čuda. Da imam sredstva sad bih u junu pošla na Denali, vrh Sjeverne Amerike , ali to je teško izvodljivo. Ne bih odmarala, nego bih iskoristila elan, ljubav i želju koje gore u meni. Moji planovi u bliskoj buducnost su Denali ili jedan vrh na Himalajama, znam vec koji", zaključuje Karolina priču za Portal Analitika.

Komentari: 0

Novi komentar