Trener Rome poručuje

Ako ne vjerujete u preokret, ostanite kod kuće

Trener Rome Euzebio di Frančesko kazao je poslije poraza od Livepula u polufinalu Lige šampiona, da će njegova ekipa u revanšu u Rimu izgledati drugačije i da je preokret moguć.
Objavljeno: 25. 04. 2018 - 07:35 Promjenite veličinu teksta: A A A

Roma je u ovoj sezoni već bila u situaciji da ima gol u gostima i da ima tri gola deficita. Sada protiv Liverpula ima zaostatak od 5:2, pa se sa pravom povlače paralele u odnosu na četvrtfinalni dvomeč kada je Roma izbacila Barselonu iz Lige šampiona.

"Rekli smo pred meč sa Barselonom da smo vjerovali u prolaz dalje i isto kažem sada. Danas je ekipa izgubila samopouzdanje i bili smo potpuno rasformirani. To nije smjelo da se dogodi, koliko god smo golova primili. Vidjećete drugačiju Romu u sljedećem meču. Gubili smo gomilu duela na svakom dijelu terena, lako smo prodavali lopte i njihovi napadi su uvijek dolazili kada smo im mi lako dali loptu" kaže trener Rome.

"Bili smo mrtvi ali sada imamo sada malo života i moramo da iskoristimo način igre kakav smo imali protiv Barselone. Moramo da vjerujemo i da se nadamo, i sa našim navijačima mislim da će Liverpulu biti teško na "Olimpiku". Ne trebaju nam čuda, već samo da vjerujemo. Ovo je prvo polufinale za Romu poslije tri decenije. Nismo baš navikli ali da vas podsjetim: ovaj duel nije gotov. Ko god da ne vjeruje u preokret, neka ostane kod kuće. Osjećam se odgovornim, ali i dalje smo u polufinalu" zaključio je Di Frančesko.

Foto: Francesco Pecoraro/Getty Images

Komentari: 0

Novi komentar