Zakon o zabrani pušenja u zatvorenim prostorima i na javnim mjestima, protiv kojeg su tada najviše protestovali ugostitelji, stupio je na snagu u 5. avgusta 2007. Njime je i starosna granica za one koji smiju da kupe duvanske proizvode povećana sa 15 na 18 godina.
Slovenački zavod za zaštitu zdravlja raspolaže istraživanjem po kojem je zakonska zabrana pušenja u zatvorenim prostorima vrlo brzo pokazala svoje učinke. Zbog nje, ali i nove politike sve viših državnih nameta na duvan, postotak pušača u populaciji staroj od 15 do 64 godine pao je sa 29,3 odsto 2007. na 24 odsto. Broj onih koji puše ponovo raste nakon 2008., ali u ukupnoj populaciji ne doseže prijašnji nivo, kažu u zavodu.
Prema zadnjim podacima o ponašanju tinejdžera, barem jednom nedjeljo ili češće puši svaki peti 15-godišnjak.
