Svijet

Janukovič: Nikada neću silom oslobađati vladine zgrade i glavni trg

0402janukovic
K
oalicioni partner ukrajinskog predsjednika Viktora Janukoviča izjavio je kako je Janukovič izvijestio njegovu stranku da neće koristiti silu protiv protestanata i da je spreman da održi prijevremene izbore, ako se ne nađe miroljubivo rješenje krize, prenosi portal Index.

Janukovič: Nikada neću silom oslobađati vladine zgrade i glavni trg
Portal AnalitikaIzvor

Kako na svojim internet stranicama prenosi list Ukrajinska Pravda, Juri Mirošničenko je kazao za televiziju ICTV da je predsjednik poslanicima njegove Stranke regijarekao:

- Imamo sva ovlašćenja da silom oslobodimo vladine zgrade i Majdan... To nikada neću učiniti, jer su to takođe naši građani.

Majdan, kijevski Trg nezavisnosti, uporište je protivvladnih protesta više od dva mjeseca. Demonstranti su zauzeli i neke vladine zgrade u Kijevu i drugim gradovima.

Mirošničenko je rekao da je njegova stranka raspravljala o uvođenju vanrednog stanja koje bi moglo da dovede do toga da vlada upotrijebi vojsku.

- Vanredno stanje se neće uvoditi. Predsjednik je rekao da ako političari ne mogu da postignu sporazum, donesu zajedničke mjere i primjene ih, tada su izbori jedino demokratsko rješenje situacije. I on (Janukovič) je dodao: „I ja i vi ćemo se suočiti s prijevremenim izborima“ – kazao je Mirošničenko za kijevski list, u čemu se može naslutiti da je Janukovič govorio i o parlamentarnim i o predsjedničkim izborima.

Redovni predsjednički izbori u Ukrajini trebalo bi da se održe iduće godine, a parlamentarni 2017. godine.

Foto: dw.de

Portal Analitika