Svijet

Putin naložio testiranje borbene gotovosti ruske vojske

putinok
P
redsjednik Rusije Vladimir Putin danas je naložio održavanje hitne vojne vježbe kako bi se provjerila borbena gotovost ruskih oružanih snaga na zapadu te zemlje, objavile su ruske agencije.

Putin naložio testiranje borbene gotovosti ruske vojske
Portal AnalitikaIzvor

Agencija Interfaks je citirala ruskog ministra odbrane Sergeja Šojgua, koji je objavio: "U skladu sa naređenjem predsjednika Ruske federacije, snage Zapadnog vojnog okruga su danas u 14 sati (po lokalnom, a 11 po srednjeevropskom vremenu) stavljene u stanje gotovosti", prenio je Rojters.

Putin je naložio provjeru sposobnosti vojnih jedinica sa zapada Rusije za djelovanje u kriznim situacijama koje predstavljaju pretnju vojnoj bezbjednosti zemlje, i za djelovanje protiv pretnji antiterorističkog, sanitarno-epidemiološkog i tehnogenog karaktera, naveo je Interfaks.

Rusija se na zapadu graniči sa Ukrajinom, u kojoj je nakon tromjesečne krize opozvan predsednik Viktor Janukovič, a vlast su preuzeli privremeni organi. Trenutno najveća napetost vlada na Krimu, gdje većinu čine proruski orijentisani građani.

 

Portal Analitika