"Iz DPS-a nam je nagoviješteno da će razgovora biti na konto preliminarnog dogovora i razgovora koji smo imali sa njima ranije", kazao je Popović za radio Antena M.
Popovića nije precizirao kada bi predstavnici NS mogli da razgovaraju sa DPS-om.
"Pretpostavljam da neće biti prije povratka Mila Đukanovića iz Amerike. Ako ih bude obavijestićemo javnost da li smo se dogovorili ili ne, ali kao što sam rekao, preliminarni razgovor smo imali i vrlo se precizno o mnogim stvarima dogovorili. Mi smo stranka koja poštuje dogovore, a da li je došlo do bilo kakve promjene u stavu DPS-a to ćemo pretpostavljam saznati u razgovoru ako ih bude, ako ih ne bude onda će to biti jasno", kazao je Popović.
Popović poručuje da "NS neće nikada ulaziti u bilo kakve predizborne ili postizborne saveze koji bi u bilo kom smislu mogli biti na štetu interesa stranke".
Inače, posljednji sastanak dvije stranke na najvišem nivou je bio desetak dana prije izbora u Beranama kada je načelno bilo riječi o mogućoj predizbornoj koaliciji u Podgorici i postizbornoj u Beranama.
