Sparsi su poslije produžetka kao gosti pobijedili Oklahoma Siti Tander 112:107, poslije 101:101 u regularnih 48 minuta.
Slijedi pet dana odmora, a finale počinje u četvrtak. Sparsima će to biti šesto finale, a jedini put izgubili su prošle godine, baš od Hita.
Manu Đinobili je vukao tim kroz drugo poluvrijeme, a uz 15 poena imao je 6s, 5a, 4 ukr. lopte. Kavai Lenard je igrao odlično u prvom poluvremenu, završio je sa 17 poenai 11 skokova, a njegova rampa na Vestbruku u posljednjem minutu je vjerovatno prelomila meč.
Domaću ekipu predvodio je briljantni Rasel Vestbruk 34 poena, 7 skokova, 8 asistencija, 6 ukradenih, 7 izgubljenih lopti i 5 faulova. Kevin Durent je van terena bio samo 72 sekunde, ubacio je 31 poen uz 14 skokova (i 7 izgubljenih).
