Nakon pomame u Japanu i SAD, ali i djelovima Evrope za kafićima sa mačkama, zekama ili čak sovama, jedan japanski ugostitelj je riješio da čitav koncept preslika na nešto drugačiju publiku.
Mušterije u Akanasu baru najčešće piju točeno pivo, a vrata su otvorena od šest popodne pa do podneva sljedećeg dana. Na meniju su lagana jela po cijeni od oko 6 eura, kokteli od oko 4 eura, različita točena piva, ali i dvoipočasovni "popij koliko možeš" meni za 15-ak eura.
Vlasnik bara, 60-godišnji Kojanagi kaže da cio život ima mačke kao ljubimce i da je odlučio da udomi nekoliko u svom pabu. U svakom trenutku ih ima najmanje pet, a mušterije su ljubazno zamoljene da ih ne uzimaju u naručje i ne prisiljavaju na maženje ukoliko "primijete da mačke za to nisu raspoložene".
"Mačke će same odlučiti da li su za interakciju sa mušterijama. Takođe, zabranjeno je hranjenje mačaka hranom iz restorana, jer one imaju svoje obroke", kažu u ovom pabu.
Iako sve koncept lokala koji ima oko 60 stolica možda djeluje ludo, Kojanagi tvrdi da ima redovne mušterije i to neke koji su udaljeni od Tokija nekoliko sati vožnje vozom.
Izvor: b92.net; foto: ljubimci.telegraf.rs
