Par se prije četiri godine upoznao u jednoj diskoteci, a sudbonosno „da“ će izgovoriti uz blagoslov kralja Karla XVI Gustava i kraljice Silvije.
Ceremonija će se održati u kapeli kraljevske palate u Stokholmu, na istom mjestu na kojem se ranije vjenčala mlađa sestra Karla Filipa, princeza Madlen.
Golišave fotografije Sofije Helkvist (29) pojavljivale su se u reklamnim katalozima i na bilbordima širom Švedske. Međutim, otkad je objavljena vijest o njenoj vjeridbi, švedski mediji su prestali da pominju njenu prošlost i sada je predstavljaju kao „bivšu studentkinju ekonomije i engleskog jezika“.
Prethodnih mjeseci kružile su glasine o tome da se kralj prvobitno protivio sklapanju braka, ali je Sofija takve navode nazvala izmišljotinama.
“Od prvog dana me je prihvatio kao svoju ćerku i postarao se da se osjećam kao kod kuće”, rekla je ona.
Princ Karl Filip (35) studirao je šumarstvo i poljoprivredu na švedskom Fakultetu za poljoprivredne nauke. Prati ga status plejboja i problematičnog momka. Na Jutjubu postoji snimak njegove tuče sa grupom muškaraca ispred noćnog kluba u Kanu. Njegova buduća supruga se tada ispriječila između njih da bi ga zaštitila.
