Prošle godine u maju svijet je obišla vijest da se Adrijana Lima i Marko Jarić zvanično razilaze, iako se o tome šuškalo mjesecima.
Na ljutu ranu ide ljuta trava, pa je tako lijepa manekenka utjehu pronašla u zagrljaju MMA borca umjetničkog imena Big Džo. Njih dvoje viđaju se posljednjih mjeseci, paparaci su ih jurili, a prvi put su se zvanično pojavili zajedno u javnosti prije nekoliko dana u Las Vegasu. Njih dvoje su se upoznali u teretani, budući da su oboje strastveni poklonici boksa.
Za to vrijeme, Marko je posvećen ili kćerkama, ili provodu. Vrlo je upućen na Sijenu i Valentinu, pa dok je njihova majka na revijama ili putovanjima, on brine o djevojčicama. Poslije razvoda bivši košarkaš malo-malo pa dođe u Beograd. Prije desetak dana prisustvovao je reviji sestre Tamare, a naravno, obilazio je i kafiće i družio se sa lijepim djevojkama. Kako je izjavio za „Blic“ tokom boravka u Beogradu, svoju bivšu će uvijek podržavati.
- Najvažnije mi je da sa Adrijanom imam super odnos. Uvijek ću je podržavati u svemu. Nadam se da djeca ne pate zbog našeg razvoda - kazao je Jarić.
