"Samo nekoliko minuta je dovoljno biti uz Tonija da bi cijenio njegovu ličnost, strast i profesionalizam i prepoznao doprinos koji će pružiti našoj ekipi u svojoj novoj ulozi. Toni će raditi širom organizacije i imaće različite uloge. Svojim iskustvom će donijeti vrijednost, bez obzira da li će to biti vezano za strane igrače u našoj ekipi ili prilikom objašnjavanja našim partnerima i navijačima što to znači biti 'bul'. Toni će biti naš snažni predstavnik", rekao je Rejnsdorf.
Kukoč je za Bulse igrao od 1993. do 2000. godine uz legendarne igrače Majkla Džordana i Skotija Pipena.
"Uzbuđenje i čast je opet biti dio ekipe koja je definisala moju igračku karijeru ovdje u SAD. Bulsi su postali moja porodica i stvarno se radujem budućnosti", rekao je Kukoč.
Na novom poslu Kukoč će se pridružiti Pipenu koji je savjetnik predsjednika kluba od 31. oktobra 2012. godine.
Kukoč je u NBA proveo 13 sezona, od kojih sedam u Bulsima, a 1996. godine je proglašen za najboljeg šestog igrača lige. Od 1996. do 1998. osvojio je tri NBA prstena.
(Beta)
foto:getty images
