Vjetar srušio zid na stadionu Sutjeske

Jak vjetar, koji je počeo prekjuče, na mahove je imao jačinu olujnog.

Skoro kompletna zidna konstrukcija sa južne strane stadiona je srušena, a udare vjetra izdržao je samo manji dio zida, koji se nalazi do OŠ "Braća Labudović", kao i jedan mali dio središnje konstrukcije.

Urušavanjem, djelovi konstrukcije dospjeli su na obližnji parking stadiona.

foto: onogost.me

Temelji gradskog stadiona "Kraj Bistrice" udareni su 1955. godine, a krajem sedamdesetih godina na stadionu je podignuta prva natkrivena tribina.

Stadion kraj Bistrice otvoren je 1982. godine i kapaciteta je 10.800 sjedećih mjesta. Ima dvije tribine, zapadnu i istočnu, a prostor sa južne i sjeverne strane ostavljen je za dogradnju tribina.

onogost.me, rtcg.me