Atmosfera u Golubovcima je sjajna, a nekoliko stotina navijača okupilo se da pozdravi momka koji je zagrijao naša srce pobjedom u Sjedinjenim državama.
Dejan Zlatičanin je bio srećan zbog dočeka na aerodromu, ali i iznenađen brojem ljudi.

"Ponosan sam što sam postao svjetski šampion. Dugo sam o tome sanjao, a sada se napokon ostvarilo. Želim svima da se zahvalim na podršci i posebno dočeku, prijatno ste me iznenadili. Jako sam srećan." - poručio je svjetski prvak.
Najbliži saradnik Dejana Zlatičanina i prvi čovjek naše kuće profesionalnog boksa, Mijo Martinović obećao je još trofeja.

"Ja sam ga vodio prethodnih devet godina, vodiću ga i narednih devet sve dok ne postane prvak u sve četiri verzije. Hvala svima na dočeuk i posebno medijima koji su nam dali veliku podršku. Hvala onima koji su pomogli i onima koji nijesu." - kazao je Martinović u atmosferi koje se ne bi postidjeli ni čuveni južnoamerički stadioni.
Svjetski šampion WBC verzije trebalo je da stigne u 15:40h, međutim let iz Frankfurta kasni tako da je u 16:23 stigao do navijača.
Tekst i foto: Cdm