Region

Na krovu zgrade otkrivena plantaža marihuane 59-godišnje vlasnice

U zagrebačkom naselju Vrbik jutros su policajci na krovnoj terasi jedne od stambenih zgrada otkrili pravu plantažu marihuane.
Na krovu zgrade otkrivena plantaža marihuane 59-godišnje vlasnice
Portal AnalitikaIzvor

Vlasnica plantaže na kojoj su bile zasađene čak 49 stabljike konoplje, je 59-godišnjakinja koja stanuje na zadnjem spratu zgrade.

U pretrazi terase i stana, policajci su otkrili i kućnu laboratoriju za proizvodnju droge.

Pronađeno je 630 grama marihuane, tekglu djelimično ispunjenu uljem konoplje, teglu ispunjenu sa 300 grama sumnjive biljne materije zelene boje, još jednu djelimično ispunjenu krutom materijom zelene boje i dvije digitalne vage za precizno mjerenje težine.

policija1Malu fabriku za proizvodnju droge i plantažu marihuane gotovo u centru grada, policajci možda ne bi ni otkrili, da u srijedu uvečer kod jednog 45-godišnjaka nijesu pronašli dva paketića marihuane od 2,7 grama. Drogu mu je poklonila 59-godišnjakinja s Vrbika i tako su policajci dobili nalog za pretres njenog stana.

Vlasnica plantaže pritvorena je zbog osnovane sumnje da je počinila krivično djelo neovlaštene proizvodnje i stavljanja u promet opojnih droga, te omogućavanja konzumiranja droge.

Inače, zgrada na čijem je vrhu bila zabranjena plantaža, nalazi se u neposrednoj blizini ambasada Njemačke i Velike Britanije.

Izvor i foto: Index.hr/P.S./PU zagrebačka

 

Portal Analitika