"Selesao" je pobjedom u Venecueli sa 2:0 bez Nejmara prestigao Urugvaj, poslije remija rivala u derbiju u Kolumbiji 2:2. Brazil su do četvrte pobjede u nizu predvodili Gabrijel Žesus golom u osmom i Vilijan pogotkom u 53. minutu meča u Meridi.
Kolumbija je povela u 15. minutu preko Agilara, ali su Kristijan Rodriges u 27. i Luis Suares u 73. donijeli prekret gostima. Ipak, domaće navijače je u 84. minutu obradovao 22-godišnji bek Palmeirasa Jeri Mina.
Izneneđenje večeri priredio je Paragvaj koji je minimalnim rezultatom šokirao Argentinu u Kordobi, Čile je tek u finišu slomio Peru sa 2:1, dok je Ekvador izborio 2:2 u Boliviji poslije dva gola zaostatka.
Derlis Gonsales je već u 18. minutu donio vođstvo "Gvaranima" u Kordobi, đe je navijače razočarao Serhio Aguero koji je na startu drugog poluvremena promašio penal.
Kvalifikacije za SP, Južna Amerika:
Bolivija – Ekvador 2:2
Kolumbija – Urugvaj 2:2
Argentina – Paragvaj 0:1
Čile – Peru 2:1
Venecuela – Brazil 0:2
