Crveno-bijeli su poslije dvije uzastopne pobjede bili nemoćni u Atini, a boljeg rezultata u OAKA areni koštalo ju je očajno prvo poluvrijeme.
Tim Dejana Radonjića je bio nemoćan u napadu, dok u odbrani nije imao rješenja za odličan šut PAO (83% za dva), te raspoložene Džejmsa Gista, Nika Kalatesa i Demetrisa Nikolsa.
Ognjen Kuzmić je ostvario dabl-dabl sa 15 poena (7/9 iz igre) i 15 skokova. Dvocifren učinak imao je još samo naš Milko Bjelica sa 12 poena, dok su po osam postigli Čarls Dženkins i debitant Nejt Volters.
PAO su do treće pobjede u sezoni predvodili Gist sa 17 poena te po 3 ukradene lopte i skoka, Kalates sa 16 poena, 6 skokova i 5 asistencija, Burusis je dodao 12 poena uz 9 uhvaćenih lopti, a 12 poena postigao je i Rivers.
Zvezda u sljedećem kolu dočekuje Baskoniju za sedam dana, dok PAO gostuje Anadolu Efesu.
