Nespremnost političkih elita za kompromis, kako je rekla, ne može voditi rješenju krize u javnom interesu. Uljarević kaže da se čini kako ova situacija "prevazilazi kapacitete postojećih političkih struktura".
Govoreći o posljedicama procesa protiv poslanika DF-a, Andrije Mandića i Milana Kneževića, nakon skidanja imuniteta u parlamentu prije dva dana, Uljarević je rekla na djelu imamo "haotičnu i neizvedenu strategiju sa obje strane".
"Radi se definitivno o jednom od procesa koji već ostavlja dubok trag u crnogorskoj političkoj stvarnosti. Razrješenje slučaja 'državni udar' trebalo bi da bude prioritet svih aktera u Crnoj Gori, jer on ima dualnu dimenziju. Osim toga što on ima pravni okvir, to je slučaj koji je od samog izbornog dana dobio i snažnu političku dimenziju", rekla je Uljarević za BH Radio.
Kako je rekla, ne vidi se jasna strategija niti tužilaštva i vlasti s jedne strane, niti same opozicije kako da odgovori na to.
"Ostavljanje tog slučaja kao otvorenog u svakom trenutku može da izazove novu radikalizaciju. Užasno je i pomisliti da su lideri opozicije ili bilo koji političati imali namjeru da na rušilački način željeli da mijenjanju političku strukturu u Crnoj Gori", kazala je Uljarević.
BH radio; Foto: rtcg.me
