Frustracija vjerovatno dolazi iz toga što meč još uvijek nije ni blizu konačnog dogovora, što je zapravo normalna situacija kod ugovaranja velikih bokserskih mečeva, no nepoznanica u UFC svijetu, gdje se borbe vrlo lako dogovaraju (osim ako ste braća Diaz).
Novinari su Mekgregora okružili u blizini Medison Skver Gardena, na što je on odradio svoj monolog, obraćajući se jednom od novinara:
"Ti si čovjek iz boksa? Ne, ja sam čovjek iz boksa, samo me gledaj kako ću preuzeti cijeli boks. Vjerujte mi, niko nije svjestan što zapravo dolazi. Vjerujte mi kad vam kažem. Kada uđem u taj ring, šokiraću cijeli jebeni svijet! Vjerujte mi kad vam kažem. Gledajte mi u oči, 28 mi je godina, pun sam samopouzdanja, dugačak sam, visok sam, opasan s obje ruke. Vjerujte mi! Zaustaviću Flojda i onda ćete svi pojesti svoje riječi. Cijeli svijet pojesće svoje riječi."
