“Plavi” su prvi meč na svom terenu riješili u svoju korist rezultatom 2:0 i imaju veće šanse da se plasiraju u narednu fazu takmičenja.
“U dobrom rasploženju čekamo duel sa Sutjeskom. Forma nam je u usponu, igramo brzo, lijepo za oko. Znamo da nas u Nikšiću čeka jako težak posao. Sutjeska je sjajan kolektiv, a podatak da u domaćem šampionatu nisu doživjeli nijedan poraz potvrđuje rečeno. Sigurno se nisu odrekli Kupa, sigurno će nastojati da nadoknade minus iz prvog duela“ rekao je Vlaisavljević za Sportklub i nastavio:
“Sada se nalazimo u sličnoj situaciji. Mi se nadamo da možemo da signemo njihovu prednost od 11 bodova u šampionatu, a oni našu od dva gola iz prvog meča Kupa. Optimista sam i vjerujem da ćemo prikazati još jednu dobru partiju i da ćemo izboriti plasman u polufinale. Braniti se nećemo sigurno”, zaključio je Vlaisavljević.
Revanš duel Sutjeske i Budućnosti na programu je u srijedu od 16 sati.
