Službenici CB Herceg Novi su, 04.09.2018. godine, izvršili pretres na dvije lokacije koje koriste dva lica. Pretresom stana i drugih prostorija koje koristi J.Ž. (27) policijski službenici su pronašli i oduzeli dokumentaciju koja se odnosi na novčana potraživanja i kupoprodaju nepokretnosti a koja će biti predmet daljih kriminalističkih provjera.
Nadalje, pretresom stana i drugih prostorija koje koristi G.Ž. (21) policijski službenici su pronašli 24 komada električnih detonatorskih kapisli, 542 komada pištoljske i puščane municije različitog kalibra, dvije puške, optički nišan i tri okvira od automatske puške. Navedeni predmeti su oduzeti od N.Ž. (61) koji je srodnik G.Ž. Pronađeno oružje, municija i drugi predmeti biće upućeni u Forenzički centar radi vještačenja.
O događaju je obaviješten državni tužilac u Osnovnom državnom tužilaštvu u Herceg Novom koji je naložio da se protiv N.Ž. podnese krivična prijava u redovnom postupku zbog postojanja osnovane sumnje da je počinio krivično djelo nedozvoljeno držanje oružja i eksplozivnih materija.
Policijski službenici CB Herceg Novi će u narednom periodu nastaviti aktivnosti u cilju pronalaska oružja, municije, opojnih droga kao i drugih predmeta koji se mogu dovesti u vezu sa krivičnim djelima.
