I članovi njegove grupe takođe su osuđeni. Jonuz Hadžibeti je osuđen na dvije godine i četiri mjeseca, Milan Marić na godinu dana za đverc narkotika, Vaso Perović na dvije godine i osam mjeseci, Igor Vušurović na dvije godine i osam mjeseci, Branka Stanišić na godinu i tri mjeseca i Marko Šaković na godinu za šverc narkotika, ali ne i za stvaranaje kriminalne organizacije.
Presudu je donijelo vijeće sutkinje Vesne Pean.
Duško Martinović je priznao da je učestvovao u švercu droge ali je odbacio optužbe da je formirao kriminalnu organizaciju i naveo da ostali optuženi nemaju bilo kakve veze sa švercom droge i kriminalnim udruživanjem.
Novinar Jovo Martinović, koji sarađuje sa nekoliko inostranih medija, je ranije na sudjenju kazao je da nije imao nikakav motiv da se bavi švercom droge, jer ima svoju međunarodnu karijeru. Martinović je rekao da je sa optuženim Duškom Martinovićem, članom međunarodne kriminalne bande „Pink Panter“, i ostalima imao samo službene kontakte. On je na sudjenju objasnio da je snimio dva dokumentarna filma sa Duškom Martinovićem, vezano za njegove aktivnosti u toj medjunarodnoj kriminalnoj organizaciji.
