Kakáo - concept store

Radim, strpljiva sam, sjajna budućnost tek slijedi

Nisam ni na tren htjela prepustiti radnju drugoj osobi - da nisam ja ta koja je sve ispratila, svaku mušteriju uslužila, svaki artikal posložila, svaki dokument provjerila. Htjela sam dobro da ispitam tržište, šta ljudi vole, šta ne vole, da čujem svaki komentar i sugestiju vezano za radnju. 
Objavljeno: 28. 02. 2019 - 01:32 Promjenite veličinu teksta: A A A

Kakáo concept store je prva concept radnja u Podgorici. Počeo je sa radom prije malo više od godinu dana i već je prepoznat kao mjesto gdje možete kupiti drugačiji, kreativan i originalan poklon za sve uzraste,  za Portal Analitika kaže mlada preduzetnica Marina Đurovic. Radnja se nalazi u Podgorici u City kvartu i  privlači pažnju kako po neobičnom enterijeru, tako i po odabranoj ponudi neobičnih predmeta i proizvoda.

PA: Možete li pojasniti princip  “concept radnje”?

Đurović: Naravno. Koncept “concept radnje” je da ima pažljivo odabrane proizvode koji “imaju priču” i nisu svakidašnji. Kombinacija više brendova od kojih su izabrani najinteresantniji proizvodi. Zato se u radnji već može naći desetak brendova među kojima su proizvodjači kuhinjskog pribora, gedžeta tj. sitnih poklona, nakita, garderobe, tašni, prirodne kozmetike… Čim uđu, ljudi se oduševe enterijerom, prijatnom atmosferom i raznolikom ponudom. Sigurno da je do sada najčešči komentar bio: “Pa vi baš imate svašta nešto!”

PA: Kako ste odabrali  brendove koji se mogu naći u Kakáo concept store-u?

Đurović: Dva brenda koja zauzimaju najveći dio radnje su Joseph Joseph i Kikkerland. Joseph Joseph je brend iz Velike Britanije specijalizovan za proizvodnju moderno dizajniranog, praktičnog i jako kvalitetnog kuhinjskog pribora. Ponosna sam na činjenicu da je Kakáo trenutno jedina radnja u Crnoj Gori u kojoj se mogu kupiti Joseph Joseph proizvodi koji su sigurno jedni od boljih na tržištu.

Kikkerland je brend ih Holandije koji proizvodi sitnice koje ce vam olakšati svakodnevni život, učiniti ga zabavnijim i izmamiti osmjeh na lice.

joseph-joseph

 

Takođe, podrazumijeva se da koncept radnja bude podrška lokalnim dizajnerima u plasiranju svojih proizvoda. Što znači da su preostalih osam brendova za sada upravo iz Crne Gore i Srbije. 

nakit-kakao-concept-store-katarina-zlajicNakit Katarina Zlajić

Npr: Katarina Zlajić, Olga Fedotova i Pierre za nakit, Wholly wear iz Srbije za već dobro poznate neobične duks-haljine sa izrezom na leđima, Arhum design tašne, od kozmetike Koozmetik iz Srbije i SenSum iz Crne Gore. Uskoro će se u ponudi naći još tri brenda.

nakit-kakao-concept-store

Više možete vidjeti na našem Instagram ili Facebook profilu @kakaoconceptstore

PA: Moglo bi se reći da Kakáo concept store odražava  i vašu osobenost ...  Kako je nastala  ideja za ovakvu radnju?

Đurović: To je pitanje koje me ljudi često pitaju. Iskreno, jako sam znatiželjna osoba koja od mlađih dana, tačnije od početka srednje skole, istražujem što neobičnije i drugačije stvari i događaje. U gimnaziji sam bila najšarenije obučena osoba u odjeljenju - danas je moja radnja takva. Za vrijeme studija sam stalno obilazila razne sajmove ručno rađenih predmeta, nakita, tašni, garderobe – sada se takve stvari mogu naći u mojoj radnji. Zadnjih par godina koristim isključivo prirodnu kozmetiku – sada i nju prodajem u Kakáu. Divan je osjećaj kada usrećim ljude nečim što i mene čini srećnom, a to je apsolutno sve što se u Kakáu može naći.

koozmetik

 

PA: Recite nam kakav je bio početak, da li je bilo poteškoća?

Đurović: Početak nije bio lak. Sve što se tiče radnje sam birala i radila sama. Počev od uređenja enterijera, porudžbi robe, uvoza, do lijepljenja deklaracija i naravno na kraju prodaje. Prvih 6 mjeseci sam radila po 12 sati, od 9h do 21h. Možda jeste malo teži, ali po mom mišljenju jedini pravi način. Nisam ni na tren htjela prepustiti radnju drugoj osobi - da nisam ja ta koja je sve ispratila, svaku mušteriju uslužila, svaki artikal posložila, svaki dokument provjerila. Htjela sam dobro da ispitam tržište, šta ljudi vole, šta ne vole, da čujem svaki komentar i sugestiju vezano za radnju.

wholly-wear-kakao-concept-store

 

Bilo je na momente fizički naporno, ali sam uživala u svakom usluživanju mušterija, posjeti prijatelja, pojašnjavanju zašto je baš taj proizvod drugačiji od ostalih, čemu služi, na koji način se pravi. Sada je situacija malo drugačija, već nekoliko mjeseci imam kolegenicu kojoj mogu sa sigurnošću i slobodom prepustiti radnju po potrebi, dok sam ja, naravno, i dalje svakog dana prisutna i radim “svoju smjenu”. Pod znacima navoda jer naravno, nemam smjenu, moje radno vrijeme je malo duže od 8h. Iz tog razloga sam u Kakáu obezbijedila divan kutak sa udobnim kaučem, cvijećem, stočićem za kojim radim, održavam sastanke, jedem ali i odmaram. Obožavam da provodim vrijeme tamo.

PA: Kako ste zadovoljni proteklim periodom, prošlo je više od godinu dana kako radite?

Đurović: Skroz zadovoljna! Svakodnevno novi ljudi saznaju za radnju, već imamo krug stalnih mušterija koje svaki rođendanski poklon kupuju kod nas jer su sigurni da ce uvijek naći nesto drugačije i praktično. Sigurna sam da sve ide svojim tempom i da sjajna budućnost tek slijedi.. Strpljiva sam, spremna i željno je iščekujem.

 

 

Komentari: 4

Anagustum

28. 02. 2019 - 22:46

Bravo. Lijep koncept koji putuje malo visocijom cestom od svakodnevnice. Shto bi Steve Jobs reko "Razmisljaj drukcije ( nesvakidashne).
Nina91

01. 03. 2019 - 00:39

Divna radnja i divna cura! Samo nastavi tako
Cacao

03. 03. 2019 - 09:32

Bravo mala
ne zivi se od kakao

13. 03. 2019 - 06:50

Ne`s se ti leba najesti od tog biznisa. Jos pustila dzukelu u radnju a prodaje kozmetiku !? Da cojek dobije neku infekciju !
Novi komentar