Od podgoričkih kolega

Vatrogascima specijalno vozilo od 100.000 eura

Služba zaštite i spašavanja Cetinja dobila je od podgoričkih kolega kao donaciju vatrogasno vozilo sa hidrauličnom platformom - korpom, vrijedno oko 100 hiljada eura.
Objavljeno: 25. 04. 2019 - 11:13 Promjenite veličinu teksta: A A A

Vozilo austrijske firme "Magirus", je opremljeno auto-merdevinama sa impozantnim mogućnostima gašenja požara i evakuacije osoba sa visine do 32 metra.

Komandir Vatrogasne jedinice Cetinje Peđa Moštrokol kazao je da je riječ o donaciji podgoričke Službe zaštite i spašavanja, realizovane kroz saradnju Prijestonice Cetinje i Glavnog grada, i dodao da će ovo vozilo znatno poboljšati opremljenost vatrogasne jedinice Cetinje.

"Radi se o specijalnom vatrogasnom vozilu, koje Služba zaštite i spašavanja u Prijestonici posjeduje prvi put u svom voznom parku. Odrađena je test vožnja, kao i vježba u krugu vatrogasnog doma, kako bi se upoznali sa specifikacijama vozila, provjerili operativno-manevarske sposobnosti i usavršili rukovanje s njim. Vozilo je, pored ostalog, opremljeno monitorom za gašenje požara na platformi, crijevom visokog pritiska i spremnikom za kompresovani vazduh, kao i sa dva svjetlosna reflektora" navodi se u saopštenju cetinjske Službe zaštite.

Kako je pojašnjeno na vozilu je urađen servis za tekuću godinu, otklonjeni su postrojeći kvarovi, tako da je puna funkcionalna i operativna spremnost vozila osigurana.

"Vozilo jeste polovno, ali 'Magirus' platforme su jedne od najsigurnjih i najpopularnijih u svijetu, i karakteriše ih tehnološka pouzdanost i dugi radni vijek, kojim osiguravaju vatrogascima najveću učinkovitost u najtežim uslovima rada" ističu vatrogasci.

Sljedeći prioritet sa liste opreme Službe zaštite i spašavanja Cetinja je, kako objašnjavaju, specijalno vozilo za teške tehničke intervencije, opremljeno za pomoć nakon saobraćajnih nesreća, a koje će finansirati Prijestonica Cetinje.

Komentari: 0

Novi komentar