Američki mediji pišu

Durent pokidao Ahilovu tetivu?

Kako pišu mediji u Americi Kevin Durent je navodno pokidao Ahilovu tetivu u petoj utakmici finala NBA lige. Ipak iz franšize Golden Stejt Voriorsa još uvijek ne žele ništa zvanično da tvrde prije nego što KD ode na magnetnu rezonancu.
Objavljeno: 11. 06. 2019 - 09:45 Promjenite veličinu teksta: A A A
Durent pokidao Ahilovu tetivu?
Foto: slamonline.com

Kevin Durent će ići na magnetnu rezonancu u utorak, najavljeno je iz ekipe Golden Stejta. Po pisanju američkih novinara i u franšizi Voriorsa se vjeruje da će mangnetna rezonanca samo potvrditi da je KD pokidao Ahilovu tetivu.

"Radi se o povredi Ahilove tetive. Ne znam stepen povrede, sjutra će ići na magnetnu rezonancu. Radio je četiri nedjelje sa medicinskim timom i bilo je tu mnogo eskperata, doktora, mnogo magnetnih rezonanci i imali smo dobar osjećaj kada se radi o čitavom procesu", rekao je generalni menadžer Voriorsa Bob Majers kome je bilo veoma teško da govori nakon povrede Durenta.

"Mogao je da igra večeras, bila je to zajednička odluka. Nikoga ne možemo da krivimo, ali razumijem da u ovom svijetu je krivac uvijek potreban. Ja ovdje vodim košarkaške operacije i reći ću vam nešto o Kevinu, on voli da igra košarku i svi koji pričaju da on ne želi da se vrati ovom timu nisu u pravu. On je dobar saigrač, dobra osoba i to nije fer. Srećan sam što ga poznajem", dodao je Majers.

Inače Voriorsi napuštaju Toronto tek u utorak i obavještenje o Durentovoj povredi treba očekivati tek u noći između utorka i srijede po srednnjeevropskom vremenu.

Inače šesti meč finalne serije je na programu između četvrtka i petka u 3 časa iza ponoći.

Komentari: 0

Novi komentar