Djelovalo je, posle 2:0 u prvoj utakmici sa malteškom Gzirom u gostima, da će igrači splitskog Hajduka rutinirano završiti posao na "Poljudu" pred svojim navijačima, ali umjesto mirne utakmice Dalmatinci su svjedočili jednom od najbolnijih poraza i eliminacije iz Evrope u najranijoj fazi.
Maltežani su slavili u Splitu 3:1 u revanšu 1. kola kvalifikacija za Ligu Evrope, i to posle preokreta i golom u 96. minutu, u režiji napadača iz Obale Slonovače Hameda Konea.
Kone je možda odigrao i utakmicu karijere, postigao je dva nevjerovatno efektna gola, prvi za 2:1 "makazicama", a onda i onaj u smiraj utakmice, sa 20 metara, kada je pogodio dalji gornji ugao, za delirijum Maltežana i nevjericu igrača i navijača hrvatskog tima.
Bio je ovo veliki podvig Maltežana, svi su ih otpisali posle 0:2 iz prve utakmice i gola Hajduka već u 7. mintuu revanša, a onda je uslijedio povratak kakav će se dugo pamtiti.
Naime, Splićani su poveli u 7. minutu golom Jradija i baš niko na Poljudu u tom trenutku nije pomislio da bi se moglo dogoditi nezamislivo po Dalmatince. No, nonšalantna i opuštena igra skupo je koštala Hajduk, a prva kazna stigla je u vidu izjednačujućeg gola u 57. minutu, da bi samo 12 minuta kasnije Kone spektakularnim "makazicama" senzacionalno doveo Maltežane u vodjstvo 2:1.
Drama je bila na vrhuncu sa istekom devedesetog minuta, a igralo se dodatnih šest.
Hajduku je za prolaz trebalo "samo" da sačuva mrežu, ali je u šestom minutu nadoknade nevjerovatni Kone još jednim efektnim udarcem sa 20 metara pogodio rašlje za konačnih 1:3 i ispadanje Hajduka.
