U duelu bivših prvaka Engleske

Čelsi i Lester remizirali u Londonu

U duelu bivših prvaka Engleske, ekipa Čelsija i Lestera, a koji se odigrao u okviru 2. kola Premijer lige u Londonu, nije bilo pobjednika (1:1).



Objavljeno: 18. 08. 2019 - 21:14 Promjenite veličinu teksta: A A A
Celsi i Lester remizirali u Londonu
Foto: standard.co.uk

Plavci su puno bolje otvorili meč i bili su dominantni od prvog minuta, a nakon što su u prvih pet minuta propustili dvije-tri dobre situacije da stignu u vodjstvo, u sedmom minutu su postigli pogodak.

Mladi Maunt iskoristio je grešku Ndidija koji je bio ležeran na svojoj polovini, a nakon što mu je oduzeo loptu izašao je sam pred golmana gostiju i mirno ga savladao za prvi gol u dresu Plavaca.

Čelsi je nastavio s napadima, ali nije uspio da postigne drugi gol, da bi se sredinom drugog poluvremena Lester oslobodio pritiska i počeo da stvara svoje prilike. Na poluvremenu je rezultat bio 1:0 za domaće.

Ipak, u drugom poluvremenu, Lisice dolaze do poravnanja. Igrao se 66. minut kad je Madison sjajno izveo korner, a Ndidi skače i glavom zakucava loptu u gol čime se iskupio za grešku koju je u 7. minutu napravio.

Do kraja meča nije bilo pogodaka, pa je derbi bivših prvaka Engleske završen bez pobjednika.

 

Komentari: 0

Novi komentar