Snup Dog: Dončić najbolji? Možda, ali u Evropi

Slovenački košarkaš Luka Dončić ove sezone briljira u NBA ligi i trenutno je jedan od najkorisnijih igrača.
Objavljeno: 16. 01. 2020 - 11:21 Promjenite veličinu teksta: A A A

Njegove igre nisu prošle nezapaženo, a on, iako ima samo 20 godina, uspio je da obori mnoge rekorde u najjačoj ligi na svijetu.

Pored svega toga, neki i dalje smatraju da je mladi Slovenac još uvijek daleko od partija koje su pružali legende ove igre na početku svojih karijera, poput Karla Malouna, Lebrona Džejmsa, Kobija Brajanta i Kevina Garneta.

Takvo mišljenje dijeli ni manje ni više nego američki reper Snup Dog.

"Kažu da je Luka Dončić najbolji 20-godišnjak koji je igrao u ligi. To je je*eba laž. On je dobar, ali nije najbolji 20-godišnjak koji je igrao u je*enoj ligi. Nemojte da pokazujete nepoštovanje prema Malounu, Brajantu, Džejmsu, garnetu koji su sa 20 godina bili strašni u ligi koja je tada bila jača", rekao je poznati reper i dodao:

"Ova liga je sada „mekana“ i opet ne može ništa, trenutno ih razvaljujemo u Dalasu. Čuj, on je najbolji 20-godišnjak svih vremena. Možda u Evropi, ali ne i u NBA ligi. Dobar je, ali nije najbolji kojeg sam vidio, a dugo pratim košarku", prokomentarisao je Snup Dog igru Dončića prije nekoliko dana protiv LA Lejkersa.

Dončić ove sezone u dresu Dalas Maveriksa prosječno postiže 28,9 poena, 8,4 skokova i 6,9 asistencija.

Komentari: 0

Novi komentar