Oba kluba ove sezone članovi su trećeligaškog ranga, a njihov današnji duel imao je neslavan kraj.
Naime, igrači Rada napustili su teren stadiona u Zemunu u - 18. minutu.
Sve se dogodilo kada su navijači Zemuna ukrali šal koji je golman Rada Luka Martinović zakačio na mrežu svog gola. Pritom, tom je prilikom golman Rada imao i fizički sukob sa navijačima Zemuna.
Istovremeno, navijači Rada su se na drugom dijelu tribina sukobili sa policijom.
"Navijači Zemuna su fizički napali našeg golmana i rukama i nogama mu nanijeli povrde glave, zbog čega je završio u urgentnom centru. Naši navijači pokušali su da uđu u teren i odbrane fudbalere", navedeno je iz Rada nakon utakmice.
U momentu prekida, Zemun je vodio 2:0, što i nije čudno, jer Rad nastupa sa igračima čija prosječna starost iznosi 17 godina.
