“Dok ne počnemo razumijevati da je to nešto što će nas jako boljeti, ne znam koliko ćemo biti spremni na promjene”, dodala je, a potom se osvrnula na cijeli niz posljedica koje već trpimo, a koje će biti i gore ako se nešto ne preduzme.
“Osim što imamo elementarne nepogode i ekstremne vremenske prilike, zbog klimatskih promjena imamo i povećanje pritiska na javno-zdravstveni sistem. Na primjer, imate ulazak invazivnih vrsta u određena mora, gdje ona nikada prije nijesu bile i ugrožavaju domicilne vrste”, kazala je Kalauz te otkrila da i prema konzervativnim procjenama već oko 2050. godine u Jadranskom moru možda više neće biti ribe.
“Dakle, imamo još možda 20-ak godina da jedemo ribu, a onda naša djeca neće imati ribu u Jadranskom moru, barem ne kako je imamo danas. Problem pretjeranog izlova je potpuno izvan kontrole”, ističe Kalauz, piše N1.
