Inter je slavio nad Empolijem 4:2 (2:2). Ipak, meč na "Meaci" počeo je prilično šokantno po navijače domaćih, pošto je sastav iz Toskane nakon 30 minuta vodio 2:0, pogocima Pinamontija i Aslanija. Zahvaljujući autogolu Romanjolija u 40. minutu, a potom i pogotku Lautara, 'nerazuri' su na odmor otišli uz poravnanje.
U nastavku je viđen još jedan gol Lautara, a potom Aleksisa Sančeza, pa je Inter sada opet na prvom mjestu, uz bod, ali i meč više u odnosu na Milan.
Sjajan meč viđen je u Đenovi, gdje je istoimeni domaćin savladao Juventus 2:1 (0:0). Juve je poveo preko Dibale u 48. minutu, a kako je vrijeme odmicalo djelovalo je kako će sva tri boda otići u Torino. No, u 86. minutu, Gudmundson je izjednačio, da bi u sudijskoj nadoknadi uslijedio potpuni preokret - tada je mrežu 'stare dame' iz penala pogodio Kriśito.
Đenova se tako u potpunosti vratila u borbu za opstanak, te sada ima bod manje, no i meč više u odnosu na Salernitanu, koja je i dalje u 'sigurnoj zoni'.
Naročito zanimljive utakmice slijede u nedjelju. Milan će u Veroni pokušati da novim trijumfom opet stigne do čelne pozicije, a u Salernu je na programu važan duel u borbi za opstanak - Salernitana će ugostiti Kaljari.
Rezultati i raspored 36. kola:
Inter - Empoli 4:2 (2:2)
Đenova - Juventus 2:1 (0:0)
Sjutra:
Torino - Napoli (15:00)
Sasuolo - Udineze (18:00)
Lacio - Sampdorija (20:45)
Nedjelja:
Specija - Atalanta (12:30)
Venecija - Bolonja (15:00)
Salernitana - Kaljari (18:00)
Verona - Milan (20:45)
Ponedjeljak:
Fiorentina - Roma (20:45).
