Ipak, prije toga, slijedi kraći osvrt na naša izdanja u preliminarnoj fazi Eura kroz niz statističkih podataka.
Najprije – Crna Gora je jedna od šest selekcija koje imaju maksimalan učinak nakon tri utakmice.
Sa 64 primljena gola na tri utakmice, Crna Gora je druga reprezentacija čija se mreža tresla najmanje puta. Prva je Francuska sa 60.
17
Sa druge strane, sa 92 data gola smo tek 12. selekcija u dosadašnjem toku šampionata. Ali, treba imati u vidu protiv kakve smo tri selekcije igrali u grupi – niti jedna ne pripada krugu nižerangiranih, kakvih je u svim ostalim grupama bilo.
Đurđina Jauković je drugi najbolji strijelac šampionata sa 23 gola, pri čemu je jedan više postigla Slovenka Tjaša Stanko.
Armel Atingre je na dosadašnja tri meča od 60 šuteva odbranila 20, pri čemu 10 samo prošle noći protiv Češke.
Jauković i Tatjana Brnović dijele drugo i treće mjesto na šampionatu po broju blokada suparničkih šuteva – zaustavile su ih po pet.
Matea Pletikosić trenutno je peta najbolja asistentkinja turnira (14).
