U prvom meču baraža za ostanak u eliti tim iz Berlina poražen je pred svojim navijačima od Hamburga minimalnim rezultatom.
U revanšu je Herta uspjela da nadokandi zaostatak. Slavila je u Hamburgu (2:0) i sačuvala prvoligaški status.
Herta, za koju je naš Stevan Jovetić odigrao večeras svih 90 minuta stigla je do trijumfa pogocima Dedrika Bojate u 4’ i Marvina Platenharta u 63. minutu.
Naš reprezentativac se baš kao i u prvom meču u kojem je odigrao 45 minuta i večeras našao par puta u dobrim situacijama, najbolju je imao u 73. minutu, ali je njegov udarac dobro zaustavio golman domaće ekipeFernandes.
Uprkos tome što je odigrao samo 19 mečeva, “Jo-Jo” je u BL ove sezone najbolji strijelac ekipe sa šest pogodaka.
Hamburg će petu sezonu zaredom igrati u Cvajti, dok će Herta devetu godinu uzastopno biti član elite.
