"Izgubio sam navijača broj jedan i počeo sam previše da jedem. Imao sam mnogo ponuda, nudili su mi puno u Sjedinjenim Američkim Državama, ali sam odlučio da se povučem. Moja posljednja sezona u Boki bila je veoma zahtjevna, a i počeo sam da dobijam na težini, kasno sam ustajao. Nekad sam se budio u šest ujutro, dolazio prvi na trening i posljednji odlazio. Sada više nemam snage za to", rekao je Tevez.
Podsjetimo, legendarni napadač je svoju igračku karijeru počeo 2001. u Boka Juniorsu, a onda je 2005. prešao u brazilski Korintians iz kojeg je dvije godine kasnije otišao u Vest Hem.
Nakon toga je igrao za Mančester Junajted, Mančester Siti, Juventus i Šangai Šenhua da bi se 2015. vratio u Boku.
Za reprezentaciju Argentine odigrao je 76 utakmica i postigao 13 golova.