Predsjednik Socijaldemokratske partije (SDP) Raško Konjević ohrabrio je sve koji misle da zakazivanjem sjednice Skupštine čine nešto suprotno zakonu da podnese prijavu.
''Gospodin Bulajić i gospođa Bošnjak misle da je njihovo ustavno pravo da zaključaju Skupštinu. Ne, to nije istina. Figurativno govoreći – oni misle da mogu kao djeca kad se naljute da uzmu loptu sa fudbalakog terena, da je stave u kesu i odu. Član 2 Ustava je vrlo jasan - slobodna volja je izražena i oni su svoj suverenitet prenijeli na poslanike'', naveo je Konjević na današnjoj pres konferenciji u Skupštini Crne Gore.
Kako dodaje Konjević u parlamentarnoj demokratiji onaj ko ima većinu vlada.
“U jednom mandatu Skupštine možete izabrati stotinu vlada. Stvari su čiste. Nažalost oni koji postaju parlamentarna manjina nemaju politički kapacitet da prihvate i nastave političku utakmicu i u parlamentu i na javnoj sceni”, naglasio je Konjević.
