Na dan kada su prošle godine osvojile bronzanu medalju na EHF Euro, "lavice" su počele pripreme za 17. veliko takmičenje nakon obnove nezavisnosti.
Što se ženskog rukometa tiče, u našoj javnosti i dalje dominira situacija sa Milenom Raičević, koja se nije našla na spisku selektorke Bojane Popović, a koja je danas detaljnije govorila i o tome.
14Pored toga, Popović je rekla nešto više i o očekivanjima od nastupa na SP.
"Prvi meč je uvijek nezgodan, i zbog toga što je prvi, a naročito kada ga igrate protiv specifičnog rivala kakav je Kamerun. Paragvaj je niža klasa, a Mađarska najteži protivnik. Njihova ekipa stasava, djelovale su veoma ozbiljno u proteklom periodu. Moramo da budemo zdrave i idemo korak po korak", rekla je ona.
Već u petak, naše rukometašice idu u Hrvatsku. U Poreču će odigrati dva prijateljska susreta, protiv Hrvatske i Konga.
Nakon toga slijedi i let u Švedsku, a prvi duel na programu je 30. novembra, kada će naš suparnik biti Kamerun.
