Bila je to najbolja partija Makabija u plej-ofu - nakon nešto slabijeg početka, uslijedile su dvije četvrtine za pamćenje.
Prvi kvartal počeo je mnogo boljim izdanjem gostiju, no potom se dogodila nestvarna serija košarkaša Makabija. Čak 20:0. Monako je bio potpuno pregažen u drugoj četvrtini i pri odlasku na odmor bilo je 47:36. Tim iz Tel Aviva predvodio je Lorenco Braun, koji je do tada ubacio četiri trojke.
Nastavili su košarkaši Makabija sa časom košarke i u trećem kvartalu, u kojem je posebno raspoložen bio Vejd Boldvin, te su posljednju četvrtinu dočekali uz plus 26 – 79:53. Već tada je bilo jasno kako će odluka o učesniku fajnl-fora pasti u Monte Karlu.
Kod domaćih je večeras najbolji učinak imao Braun, koji je postigao 22 poena, uz šest trojki. Boldvin je postigao 19 poena. Na drugoj strani, Majk Džejms je postigao 13.
Rezultati:
Makabi – Monako 104:69
(rezultat u seriji: 2-2)
Partizan – Real (u toku)
(rezultat u seriji: 2-1)
Sjutra:
Fenerbahče – Olimpijakos (19:45)
(rezultat u seriji: 1-2)
Završeno:
Žalgiris – Barselona 0-3
