Portal AnalitikaIzvor
Bivši premijer Nizozemske, Mark Rute zvanično je izabran za novog generalnog sekretara NATO-a i to dogovorom svih članica Alijanse.
Mandat će preuzeti od Jensa Stoltenberga od 1. oktobra ove godine.
3Nakon što je odluka postala zvanična, Rute se oglasio na mreži X.
"Izuzetna je čast biti imenovan za generalnog sekretara NATO-a. Alijansa jeste i ostaće kamen temeljac naše kolektivne bezbjednosti. Vođenje ove organizacije je odgovornost koju ne shvatam olako. Zahvalan sam svim saveznicima što su mi ukazali povjerenje. Radujem se preuzimanju pozicije s velikom snagom u oktobru, kao nasljednik Stoltenberga, koji je pružio NATO-u izvanredno vođstvo u proteklih 10 godina, i prema kojem sam uvijek gajio veliko divljenje", poručio je Rute.
