Za superkombinaciju računa se po jedna superveleslalomska i slalomska vožnja. Maze je bila vodeća i nakon superveleslaloma, a do pobjede došla je u ukupnom vremenu dva minuta, sekundu i 76 stotinki. To je njena treća pobjeda ove sezone, ukupno 14. u Svjetskom kupu.
Austrijanka Nikol Hosp osvojila je drugo mjesto sa 88 stotinki zaostatka, dok je njena sunarodnica, Katrin Cetel, završila na trećem mjestu sa sekundu i osam stotionki slabijim vremenom od pobjednice. Na četvrtom mjestu završila je Njemica Marija Hefl-Riš, peta je bila Švajcarkinja Lara Gut, a šesta Njemica Lena Dir. Amerikanka Lindzi Von, koja je bila četvrta nakon superveleslaloma, napravila je grešku u drugoj vožnji, u slalomu i odustala.
Maze je vodeća u plasmanu superkombinacije sa 100 bodova. Hosp je druga sa 80, a treća Cetel sa 60. Maze zauzima čelnu poziciju i u plasmanu Svjetskog kupa sa 497 bodova. Hefl-Riš sa 369, a treće Cetel sa 320 bodova.
Skijašice će sjutra voziti superveleslalom, a u nedjelju veleslalom. (Mina)
