Kako prenosi BBC, ponestaje im i zaliha krvi i opreme za spašavanje, pa je situacija na ivici katastrofe.
"Ovdje ljudi spavaju u dvorištu ispred bolnice i na ulici. Posjetio sam jednu od UN-ovih škola u kojoj se sklanjaju ljudi sa sjevera Gaze. Dobijaju jedan litar čiste vode dnevno i vrlo malo hrane, a pristup kupatilu je vrlo ograničen. Škola je nekada imala 500 učenika, sada je u njoj 5.000 ljudi. Prostor i sadržaji nijesu dovoljni za smještaj ovih ljudi", prenio je BBC.
Njihov izvještač kazao je i kako u pojedinim smještajima nema ni kiseonika.
“Juče sam vidio kuću s dvije spavaće sobe u kojoj se sklonilo 120 ljudi. Neko ko tamo živi rekao mi je da nema kiseonika za disanje”, dodao je.