U derbiju plej-ofa, PSV je pred svojim navijačima razbio Rendžerse, rezultatom 5:1 (1:0), i to pošto je prvi meč na Ajbroksu završen bez pobjednika - 2:2.
Ismael Saibari postigao je dva gola za domaće u 35. i 54. minutu, ali je Tavernije uskoro smanjio zaostatak škotskog viceprvaka, i to u 65. minutu. Tek što su krenuli sa centra, igrači PSV-a postigli su novi gol - ovog puta strijelac je bio Luk de Jong. Do kraja smo vidjeli gol Vermana u 78. minutu, a tri minuta kasnije i autogol Konora Goldsona.
0Antverpen, na čijoj je klupi Mark van Bomeli, prvi će put u istoriji igrati u Ligi šampiona, pošto je večeras u Atini opet trijumfovao nad AEK-om - 1:2 (0:0). Kerk je golom u 73. minutu umirio publiku na APOP areni, no nadu u čudo vratio je domaćima Arauho u 90. minutu. Da nikakvog čuda večeras, ipak, neće biti, postalo je jasno u petom minutu nadoknade, kada je Balikviša donio pobjedu gostima.
U grupnoj fazi je i Kopenhagen, koji je na Parkenu remizirao sa poljskim Rakovom, rezultatom 1:1 (1:0). Presudilo je to što su Danci u prvom meču u Sosnovijecu slavili minimalnu pobjedu.
Rezultati:
PSV - Rendžers 5:1 / prvi meč: 2:2
AEK - Antverpen 1:2 / 0:1
Kopenhagen - Rakov 1:0 / 1:0
Sinoć:
Galatasaraj - Molde 2:1 / 3:2
Jang bojs - Makabi Haifa 3:0 / 0:0
Panatinaikos - Braga 0:1 / 1:2
