Ispostavilo se da je čovjek odluke bio Markus Rašford koji je u igru ušao na početku drugog poluvremena. Rašford je, ispostaviće se, jedini gol na meču postigao u 76. minutu, tako što je prihvatio loptu od Fernandeša i nakon solo prodora matirao golmana Vulvsa.
Rašford je još jednom, osam minuta kasnije, tresao mrežu ali je taj gol poništen zbog igranja rukom.
Rašford je, inače, meč počeo na klupi, kako je obrazloženo „zbog nediscipline“. Iz kluba nisu dalje komentarisali ovu situaciju.
Imao je Junajted šanse da riješi utakmicu i ranije. Najbolju priliku propustio je u finišu prvog poluvremena Entoni.
Nije bez prilika bio ni Vulverhempton, a najbolju bilježimo u 59. minutu kada je sjajan slobodan udarac izveo Ruben Neveš, De Hea je bio spreman da dobro odradi posao u ovoj situaciji.
Junajted sada iz 16 utakmica ima 32 boda na četvrtom mjestu na tabeli, Vulvsi su 18. sa 13 bodova iz 18 mečeva.
