Naime, ako konačna sudska odluka potvrdi Eplove tvrdnje da je Samsung kopirao ajfon (iPhone) i ajped (iPad) to će Eplu dati nova krila i vjerovatno će uslijediti nove tužbe protiv drugih mobilnih proizvođača čiji uređaji rade na Androidu, a ako se pokaže da je u pravu Samsung, onda možemo očekivati brojne nove tužbe protiv Epla, prenosi Dnevnik.hr.
No, dok čekaju rezultate sudske parnice sa Samsungom, u Eplu se moraju pozabaviti s novom tužbom koju je protiv njih podigao Gugl, odnosno kompanija Motorola Mobiliti koju je Gugl (Google) nedavno kupio. Motorola je još ranije tužila Epl, a sada su podigli novu tužbu u kojoj tvrde da Kukova kompanija krši sedam njihovih patenata (među njma i patente vezane uz lokacijske podsjetnike, obavještenja o i-mailovima te glasovni pomoćnik Siri) te traže zabranu uvoza ajfona, ajpeda i mek računara u SAD-u.
Jasno je koliko bi problema odluka o zabrani uvoza eplovih proizvoda (koji se proizvode u Aziji) u SAD donijela ovoj kompaniji te na stranici Didžital Trends kažu da Gule na ovaj način 'pokušava uništiti Epl'.
Iz Motorole su u službenoj objavi za javnost napomenuli kako se s Eplom žele dogovoriti vansudskom nagodbom, no kako u Eplu ne žele sarađivati na pitanju licenciranja Motorolinih patenata ne ostaje im ništa drugo nego svoje inovacije braniti na sudu. S obzirom da se nijesu mogli dogovoriti oko licenciranja, Motorola je još 2010. godine podigla prvu tužbu protiv Epla, dok su iz Epla tada tvrdili da su Motorolini zahtjevi nerazumni te su odgovorili da Android kopira neke ključne patente iz ajfona.
(foto: dnevniavaz.ba)
