Iskusna 32-godišnjakinja i trenutno 38. igračica na WTA listi, ispričala je svoja loša iskustva kako bi pokušala da pomogne drugim sportistima.
"Sjećam se kada sam potpisala ugovor sa Adidasom. Sve vrijeme, a s obzirom na to da sam izgledala dobro kao sportistkinja, govorili su mi: 'Bolje je izgledati dobro i biti Top 20, nego ružan i biti broj jedan. Kada si u Top 20, primjećuju te svuda, tu si 24 sata, sedam dana u nedjelji, u svakoj sedmici, na svakom turniru.' Tu shvatite da imaju svoje kvote i da je sve tržište", rekla je Rumunka.
"Na primjer, najbolje plaćeni su Amerikanci, Kinezi ili Japanci. U Japanu je najbolje plaćena Osaka, ona je posljednjih godina najbolje plaćeni sportista u svim sportovima. To je tržište! Velika Britanija prodaje i Španija takođe prodaje. Istočna Evropa se ne prodaje! Nije isto i mnogo zavisi od vas i vaše ličnosti , kako inspirišete ljude i kako se predstavljate, to je takođe jako bitno", ispričala je Cristea.
Cristea je u dosadašnjoj karijeri osvojila dva turnira, a najbolje rangirana na WTA listi bila je 2013. godine kada je zauzimala 21. mjesto.
