Roma je očekivano slavila na Olimpiku protiv Monce – 3:0 (2:0). U prvoj dijelu igre vidjeli smo dva pogotka Paula Dibale, a u nastavku se u strijelce upisao i Ibanjez.
Još jedan novi član Serije A slično je prošao na “Meaci”. Inter je tamo ugostio Kremoneze, slaveći rutinsku pobjedu, rezultatom 3:1 (2:0). Domaći su do prednosti stigli u 12. minutu preko Koree, a njihovu prednost udvostručio je Barela u 38. Nije noć u Milanu mogla proći ni bez novog gola Lautara, koji je mrežu gostiju zatresao u 76. minutu. Počasni gol za sastav iz Kremone u 90. minutu postigao je Okereke.
Milan je remizirao na gostovanju Sasuolu (0:0), a mogao je lako i izgubiti. Naime, u 23. minutu su domaći imali jedanaesterac, no golman ‘rosonera’ Manjano pročitao je šut Domenika Berardija. Riječ je o drugom ovosezonskom remiju aktuelnog prvaka.
Rezultati:
Sasuolo – Milan 0:0
Inter – Kremoneze 3:1
Roma – Monca 3:0
Sjutra:
Empoli – Verona
Sampdorija – Lacio
Udineze – Fiorentina
Juventus – Specija
Napoli – Leće
Preksjutra:
Atalanta – Torino
Bolonja - Salernitana
