Na Seltik parku viđen je sjajan meč, tokom kojeg su po dva pogotka postizali Furuhaši za Seltik i Tavernije za Rendžers.
Domaći su poveli u 26. minutu preko Furuhašija, ali je u samom finišu prvog dijela poravnao Tavernije. U nastavku smo vidjeli po gol Furuhašija i Žote, te je sve do 79. minuta djelovalo kako je pobjeda Seltika izvjesna. No, tada je Tavernije smanjio na 3:2, pa smo do kraja utakmice pratili veliku borbu - no, tri boda su na kraju pripala domaćinu.
Naš Sead Hakšabanović u igru je ušao u 76. minutu.
Seltik sada ima 12 bodova više od najvećeg rivala. Osvoje li titulu, zeleno-bijeli će prići na samo dva naslova manje u odnosu na Rendžers.
Tabela: Seltik 88, Rendžers 76, Harts 45, Aberdin 44, Sent Miren 41, Hibernijan 40, Livingston 39, Madervel 33, Sent Džonston 32, Kilmarnok 28, Ros Kaunti 24, Dandi junajted 22.